
Îdianameya têkildarî Roza Metîna hat amadekirin 

2021-03-17 11:51:14


	&nbsp;

	&nbsp;

	AMED - Di îdianameya ji bo Nivîskar û Rojnameger Roza Metîna hat amadekirin de dozger bi îdiaya "endamtiya rêxistinê" derbarê Rozayê de ji 5 salan heta 10 salan cezayê girtîgehê xwest.

	&nbsp;

	Di 20'ê Mijdara 2020'î de ji aliyê Serdozgeriya Komarê ya Amedê ve bi hinceta lêpirsîna Kongreya Civaka Demokratîk (KCD) gelek parêzer, nivîskar û rojnameger hatibûn binçavkirin. Di nav kesên hatin binçavkirin de Edîtora Servîsa Kurdî ya Ajansa me û endama PENa Kurd Roza Metîna jî hebû. Têkildarî Roza Metîna ya ku di 23'yê Mijdara 2020'î de derket edliyeyê û bi şerdê kontrola edlî serbest hat berdan bi îdiaya "Endamtiya rêxistinê" îdianame hat amadekirin.&nbsp;

	&nbsp;

	Îdianameya ji aliyê Serdozgeriya Komarê ya Amedê ve hat amadekirin ji aliyê dadgehê ve hat qebûlkirin.&nbsp;

	&nbsp;

	Îfadeya Rozayê di îdianemeyê de cih girt

	&nbsp;

	Îfadeya Rozayê di îdianemeyê de cih girt. Rozayê di îfadeya xwe de diyar kir ku ew nivîskarek e agahiyên di dokumana dîjîtal de nasnameya wê ya nivîskariyê ye û da zanîn pirtûkên ku hatine qedexekirin di dema girtiye nehatibû qedexekirin û ew pirtûk ji bo lêkolînê girtiye."

	&nbsp;

	Ji endametiya rêxistinê ceza hat xwestin

	&nbsp;

	Di îdianameyê de hat ragihandin ku navê Rozayê di dokumanên ku hatine bidestxistin de derbas bûye û endama KCD'ê ye û hat gotin bi armanca avakirina yekîtiya kurdan, çalakiyên li dijî yekîtiya dewletê û dibe sedema jihevqetandina civakê kiriye armanc û bi îdiaya endametiya rêxistinê di navbera 5 û 10 salan de ceza hat xwestin.&nbsp;

	&nbsp;

	Îdianameya hat amadekirin ji aliyê 5'emîn Dadgeha Cezayê Giran a Amedê ve hat qebûlkirin û rûniştina yekem di 27'ê Gulanê de ew ê bê dîtin.&nbsp;

	&nbsp;