
Daxwaza girtina Mûsa Orhan dîsa hat redkirin  

2021-02-25 16:39:25


	&nbsp;

	&nbsp;

	SÊRT - &nbsp;Di danişîna doza Îpek Er a piştî destdirêjiya çawîşê pispor Mûsa Orhan dawî li jiyana xwe anîbû, carek din daxwaza girtina Mûsa Orhan hat redkirin.

	&nbsp;

	Çawişê pispor Mûsa Orhan dest dirêjî Îpek Er kiribû. Îpek ji ber vê destdirêjiyê dawî li jiyana xwe anîbû. Derbarê Mûsa Orhan de ji sûcê “êrişa biwesf a zayendî” pêk aniye doz hatibû vekirin. Danişîna 2'yem a dozê li Dadgeha Cezayê Giran a 2’yemîn a Sêrtê hat dîtin.&nbsp;

	&nbsp;

	Ji ber danişînê polîsan derdora Edliya Sêrtê dorpêç kir. Rojnamevanên xwestin danişînê bişopînin û aktîvîstên TJA’yê û Meclîsa Jinan a HDP’ê li ser daxwaza dozgeriya Sêrtê negirtin hundir.&nbsp;

	&nbsp;

	Malbata Îpek Er, şahid Sadûllah Kars, parêzerên baroyên Êlih û Sêrtê, ÎHD’ê û OHD’ê beşdarî danişînê bûn. Bersûc Mûsa Orhan û parêzerê xwe bi rêya dîmen û deng (SEGBÎS) beşdarî danişînê bûn. Di vê danişînê de jî Mûsa heman helwesta xwe ya “mafdar” berdewam kir. &nbsp;Şahidê bûyerê Sadûllah Kars di danişînê de hat guhdarkirin û qala ku Mûsa Orhan çawa Îpek Er revandiye kir.&nbsp;

	&nbsp;

	Dayika Îpekê, Hîkmet Kilinç jî destnîşan kir ku ne heqê Mûsa Orhan e ku keça wê binax kiriye û ew jî li derve digere û got: “Çawa bi mehan e ku ez diqehirim, bi vî awayî dixwazim Mûsa Orhan were girtin. Taksîvanê ku bi Mûsa Orhan re hatiye kî be dixwazim ew jî were darizandinê. Ez heqê xwe helal nakim.”&nbsp;

	&nbsp;

	Parêzerên malbata Îpek Er diyar kirin ku li gorî şahid îfade da Mûsa Orhan sûc kiriye û xwestin Mûsa Orhan li tavilê were girtin. Dozger daxwaza parêzeran red kir û xwest kêmasiyên di dosyeyê de were temamkirin.&nbsp;

	&nbsp;

	Parêzerê bersûc jî îdia kir ku miwekîlê wî sûc nekiriye û daxwaza girtina wî were redkirin. Dadgehê daxwaza parêzerên malbata Îpekê red kir û ji bo guhdariya şahidên din jî danişînê taloqî 1’ê hezîranê kir.&nbsp;

	&nbsp;

	&nbsp;

	&nbsp;