
Dozger di doza Berkîn Elvan de biryara xwe da

2021-01-29 14:06:13


	&nbsp;

	STENBOL - Dozger di danişîna Berkîn Elvan de biryara xwe eşkere kir û xwest polîs Fatîh Dalgali were cezakirin.&nbsp;

	&nbsp;

	Di çalakiyên Parka Geziyê de Berkîn Elvan bi fişeka gazê ku ji serê xwe xwaribû jiyana xwe ji dest dabû. Danişîna doza kuştina Berkîn Elvan li Dadgeha Cezayê Giran a 17’emîn a Çaglayana Stenbolê pêk hat. Dayik û bavê Elvan û parêzer di danişînê de amade bûn. Gelek kesan jî danişînê şopand. Şandeya dadgehê ya nû hatibû tayînkirin beşdar nebû û şandeyek dadgehê ya demkî dozê birêve bir.&nbsp;

	&nbsp;&nbsp;

	Danişînê bi xwendina ewraqan dest pê kir û parêzerê malbatê Can Atalay parastinê kir. Can destnîşan kir ku ew dixwazin serokê dadgehê jî dozê vekişe û heke li vî welatî rêveberî ewqas mudaxileyî darazê bike tu edalet ji wê dernakeve. Can got ew ê paşê têkildarî esasê parastina xwe bikin.&nbsp;

	&nbsp;

	Piştî parêzer Can, dozger mutalaya amade kiribû xwend û pêşkêşî dadger kir. Dozger xwest polîsê bi navê Fatîh Dalgali yê Berkîn Elvan kuştiye ji sûcê “bi qisûra zaneyî kes kuştin” were cezakirin. &nbsp;Piştî xwendina mutalayê Fatîh Dalgali bi rêya dîmen û deng (SEGBÎS) beşdarî danişînê bû û ji bo parastina li dijî mutalayê wext xwest.&nbsp;

	&nbsp;

	Dadgehê daxwaza wext qebûl kir û danişînê taloqî 18’ê hezîranê kir.

	&nbsp;

	Piştî danişînê parêzer û malbatê li ber edliyê daxuyanî dan û destnîşan kirin ku ew edaletê dixwazin û heta kujer li derve bin ew ê dest ji têkoşîna xwe ya edaletê bernedin.&nbsp;

	&nbsp;