
Daneşîna doza Eren Keskîn hat taloqkirin  

2020-10-22 15:18:09


	&nbsp;

	STENBOL - Daneşîna doza Hevseroka Giştî ya ÎHD'ê Eren Keskîn ku ji ber parvekirinên xwe yên li ser medya civakî jê tê darizandin hat dîtin. Daneşîn taloqî 24'ê Kanûnê hat kirin.

	&nbsp;

	Daneşîna doza Hevseroka Giştî ya Komeleya Mafên Mirovan (ÎHD) Eren Keskîn ku ji ber parvekirinên xwe yên li ser medya civakî jê tê darizandin li 36’emîn Dadgeha Cezayê Giran a Çaylayana Stenbolê hat dîtin. Eren Keskîn û parêzerên wê beşdarî danişînê bûn. Di danişînê de, ewil dozger axivî û xwest ev dosya bi dosyayekê din a li 13’emîn Dadgeha Cezayê Giran a Stenbolê dewam re bibe yek.&nbsp;

	&nbsp;

	'Divê dozên wiha neyên vekirin'

	&nbsp;

	Erenê di parastina kir de, biryara Dadgeha Qanûna Bingehîn (AYM) ya ji bo Sirri Sureyya Ondar û Akademîsyenên Ji Bo Aştiyê dayî bi bîr xist û wiha got: “Dadgeha Qanûna Bingehîn biryara îhlalê da bû. Divê êdî dozên wiha neyin vekirin. Em ne mecbûrin ku mîna dewletê bifikirin.”

	&nbsp;

	Doz hat taloqkirin

	&nbsp;

	Şandeya dadgehê piştî parastinan Erenê biryara xwe aşkere kir. Dadgehê xwest ku daxwaza dozger a ev dosya bi dosyayekê din a li 13’emîn Dadgeha Cezayê Giran a Stenbolê dewam re bibe yek bê nirxandin û danişîn taloqî 24’ê Kanûnê kir.&nbsp;

	&nbsp;

	&nbsp;