Doza têkildarî qetilkirina kesên malbata Emîne Şenyaşar dest pê kir 2020-07-09 11:40:23   MELETÊ - 2'yemîn rûniştina doza têkildarî qetilkirina kesên malbatê yên Emîne Şenyaşar li 3'yemîn Dadgeha Cezayê Giran a Meletê dest pê kir.    Di 14'ê Hezîrana 2018'an de li Navçeya Pirsûsê ya Rihayê parêzvan û xizmên parlamenterê AKP'ê Îbrahîm Halil Yildiz êrîşî hem xizmên Emîne Şenyaşar hem jî cihê karê wan kiribûn. 2'yemîn rûniştina doza têkildarî qetilkirina kesên malbatê yên Emîne Şenyaşar li 3'yemîn Dadgeha Cezayê Giran a Meletê dest pê kir. Emîne Şenyaşar, Baroya Amedê, Baroya Wanê, Baroya Rihayê, Parlamenterên HDP'ê Ayşe Surucu, Omer Faruk Gergerlioglu, Endamên PM'a HDP'ê, Cîgirê Hevserokatiya Giştî yê HDP'ê Umit Dede, Şaxa OHD'ê ya Amedê, nûnerên Şaxa ÎHD'ê ya Riha û Meletê beşdarî rûniştinê bûn. Hevserokê HDP'ê yê Rihayê Mikail Gozek jî di têketina edliyeyê de hat astengkirin.    Polîsên ku derdora edliyeyê dorpêç kiribûn li ser her kesî lêgerîn kirin. Polîsan derdora dadgehê jî girtin.    Ji xeynî parêzer û kesên malbatê kesek negirtin eywana rûniştinê. Hat hînbûn ku ji ber Vîrusa Koronayê parlamenterên HDP'ê û çapemeniyê nagirin hundir.    Kurê Emîne Şenyaşar ê girtî Fadil Şenyaşar û bersûc Enver Yildiz bi SEGBÎS'ê beşdarî rûniştinê bûn.    Ew ê parastinên ji bo rûniştinê bidomin.