
Gumanbarê şîdetê ku nehat girtin mehek şûnde jin qetil kir 

2020-02-24 09:09:00


	&nbsp;

	MÊRDÎN - Ramazan Kilinç ê li Mêrdînê îşkence li dayika xwe kiribû û nehatibû binçavkirin, mehek şûnde jinek qetil kir. &nbsp;Doza ku gumanbar jê tê darizandin jî didome.

	&nbsp;

	Li gundê Elmabaşi yê Artuklu ya Mêrdînê di Tebaxa 2018’a de mêrê bi navê Ramazan Kilinç, xwest mûçeyê dayika xwe Zahra Kilinç (82) bigire û dayika wî nexwest bide û li ser vê îşkence li dayika xwe kir. Gundiyan mudaxaleyê bûyerê kirin û Zahra rakirin nexweşxaneyê û di rapora ku doktoran da Zahrayê de hat gotin ku diranên wê şikestîne, hestiyên pişta wê di kezeba wê de çûne xwarê.

	&nbsp;

	Tevî gilîkirinê nehat girtin

	&nbsp;

	Zahra piştre çû qerekolê û gilî kir, lê der barê Ramazan de tu lêpirsîn nehat vekirin. &nbsp;Li 5’emîn Dadgeha Cezaya Giran a Mêrdînê doza cemawerî hat vekirin. &nbsp;Di rûniştina di 31’ê Çile de hat dîtin Zahrayê dîsa îfade da û giliyê xwe dubare kir. Lê Ramazan sûc înkar kir.Heyeta dadgehê 11 sal ceza li gumanbar birî û ceza daxistin 5 sal û 6 mehan.

	&nbsp;

	Jinek &nbsp;jî qetil kir

	&nbsp;

	Gumanbar Ramazan mehek piştî şîdeta li dayika xwe kiribû şûnde di îlona 2018’an de li Qoserê welatiya Gurcîstanê Melîsa Îlma (45) jî bi kêrê qetil kir û hat hînbûn ku ji vî sûcî li girtîgeha Tîpa E ya Mêrdînê girtiye. Rûniştina wî wê di 12’ê Nîsanê de li Yekemîn Dadgeha Cezaya Giran a Mêrdînê bê dîtin.

	&nbsp;