
Rojnameger Arjîn Oncel di danişîna ewil de berat bû  

2020-01-08 13:22:22


	&nbsp;

	AMED - Rojnamevan Arjîn Dîlek Oncel di danişîna doza xwe ya ewil de ku ji ber parvekirinên medya civakî doz lê hatibû vekirin hat beratkirin.

	&nbsp;

	Nûçegihana Ajansa Mezopotamya (MA) Arjîn Dîlek Oncel hat darizandin. Bi hênceta parvekirinên medya civakî bi angaşta “propaganda rêxistinê kiriye” doz li Oncel hatibû vekirin. Ji salek û 6 mehan heta 7 sal û nîv ceza jê re dihat xwestin. Danişîna ewil a doza Oncel li 11’emîn Dadgeha Sizaya Giran a Amedê hat dîtin. Oncel û parêzerê xwe Resûl Tamûr beşdarî danişînê bûn.&nbsp;

	&nbsp;

	Danişînê bi xwendina angaştnameyê dest pê kir û parvekirinên Arjîn Oncel kiriye jê hat pirsîn. Oncel tewanbariya xwe red kir û got wê bi armanca agahdariyê nûçeyan parve kiriye. Arjîn Oncel xwest were beratkirin.&nbsp;

	&nbsp;&nbsp;

	Parêzerê Resûl Tamûr jî nûçeyên di rojnameyên Cumhuriyet û Sozcu de cih digirin û ku dişibin ên Arjîn Oncel parve kiriye pêşkêşî heyeta dadgehê kir û got derbarê van rojnameyan de tu lêpirsîn jî nehatiye destpêkirin.&nbsp;

	&nbsp;

	Dozger mutalaya xwe eşkere kir û derbarê Arjîn Oncel de 7 sal û nîv ceza xwest.

	&nbsp;

	Parêzer Tamûr li dijî mutalaya dozger parastinê kir û got nûçeyên bi vî rengî di gelek rojnameyên Tirkiyê de jî cih girtine û xwest muwekîla wî were beratkirin.&nbsp;

	&nbsp;

	Heyeta dadgehê xwe spart pakêta darazê ya nû û derbarê Arjîn Oncel de biryara beratê da.&nbsp;

	&nbsp;

	&nbsp;