
'Ji ber nebûna mekanizmaya parastinê Muzeyyen hat kuştin' 

2019-09-09 18:11:59


	&nbsp;

	AMED - 1'emîn danişina doza kujerê Muzeyyen Boylu ya Mesut Issi li Amedê hat dîtin. Parêzera malbata Boylu Asli Pasînlî, bal kişand ser peymana Îstanbulê û got: "Eger mekanîzmaya parastina Muzeyyen Boylu hebûya, wê 18 roj şûnde Muzeyyen nehata kuştin."&nbsp;

	&nbsp;

	Di 19'ê gulanê de Prz.Mesut Issi hevjîna xwe Prz. Muzeyyen Boylu, kuşt. Piştre, dozger der barê Mesut Issi de bi sucdariya "Bi zanebûn û plan kuşt" doz vekir. Yekemîn danişîna doza kuştina Muzeyyen Boylu li 7'emîn Dadgeha Cezayên Giran a Amedê hat dîtin. Di danişînê de Bersuc Mesut Issi û malbata Muzeyyen Boylu amade bûn. Dîsa parêzerê malbata Muzeyyen Boylu Sînan Tanrikulu, Asli Pasinli û Hatice Demir amade bûn.&nbsp;

	&nbsp;

	Di danişînê de nûnerên Baroya &nbsp;Amed, Enqere, Sînop, Kirklareli, Edene, Konya, Şirnex, Bursa, Mersîn, Afyon, Semsûr, Koçaelî, Erzirom, Îzmîr, Sêrt, Trabzon, Yekîtiya Baroyên Tirkiyeyê, Dîlok, Stenbol, Riha, Çewlîg, Êlih, Wan, Qers, Edirne, Mêrdîn, Aydin, Antalya, Erdaxan, Wekîla polîtîkayên Civakî u Malbatî Turhan Bagriyanik, Nûnerên KADEM, (OHD), Vakfa Piştevaniya Jinan, ÎHD, parlamenterên HDP'ê, Komeleya Jinan a Rosa, Platforma Jinan a Dîcle Amed &nbsp;(DAKAP), Tevgera Jinên Azad (TJA), TÎHV û zêdeyî 100 parêzer amade bûn.&nbsp;

	&nbsp;

	Rojnamegerên xwestin dozê bişopînin polîsan destûr neda ku derbasî salonê bibin. Piştî niqaşa di navbera parêzer û polîsan de, rojnameger derbasî salonê bûn. Danişîna dozê bi tespîta nasnameya Mesut Issi dest pê kir. Bersûc Mesut Issi, îdîa kir ku derûniya wî xerab e û parastin nekir. Bersuc Mesut Issi parast ku nikare parastinê bike û xwest mafê xwe yê bêdengiyê biparêze. Mesut Issi, xwest di danişînek pêş de bi rêya SEGBÎS'ê tevlî danişinê bibe.&nbsp;

	&nbsp;

	Parêzerê Mesût Issi Kutbettin Odabaşi ji parast ku derûniya muwekilê wi nebaş e û sewqa wî ya Nexweşxaneya Ruh û Nexweşiyên Sînîr a Xarpêtê nehatiye kirin. Odabaşi parast ku mafê muwekilê wî yê darazê hatiye îhlalkirin.&nbsp;

	&nbsp;

	Dayika Muzeyyen Boylu, Turkan Boylu jî diyar kir ku ew ji bersûc bi gilî ye û xwest tev li danişîna dozê bibe. Parêzerê malbatna Muzeyyen Boylu jî xwest 30 baro û komele jî tevlî danişina dozê bibin.&nbsp;

	&nbsp;

	Serokê Baroya Amedê Cihan Aydin, diyar kir ku rêxistinên jinan bi çalakiyên xwe balê dikişînin ser cînayetên jinan, lê cînayetên jinan didomin û wiha got: "Em dibêjin cînayatên jinan polîtîk in. doza Muzeyyen Boylu minakek balkêş e. Li gel ku parêzer e jî nekariye xwe biparêze. Me ev yek di kuştina Emine Bulut de jî dît." Rêxistinên Jinan û baroyan jî xwest li gorî qanûna parêzeran a 76 û 95’an li gorî peymana İstanbul û CEDAW'ê tev li danişînê bibin.&nbsp;

	&nbsp;

	Heyeta dadgehê jî daxwazên parêzeran nirxand û red kir. Heyetêder barê Bersûc Mesut Issi de biryara berdewama girtinê da. Dîsa xwest Abdullah Koyun wekî şahîd tevlî danişînê bibe. Heyetê doz taloqî 4'ê mijdarê kir.&nbsp;

	&nbsp;

	&nbsp;