
Di doza Sara Kaya de wê meteryalê dijîtal careke din bên lêkolînkirin 

2019-06-19 12:19:04


	&nbsp;

	MÊRDÎN - Daneşîna 12'emîn a Hevşaredara Nisêbînê ya berê Sara Kaya ku di encama serdegirtina mala xwe de hat girtin û bi daxwaza cezayê muebetê tê darizandin hat taloqkirin.&nbsp;

	&nbsp;

	Li Navçeya Mêrdînê ya Nisêbînê, di 13'ê Çileya 2017'an de bi ser mala Hevşaredara berê ya Nisêbînê Sara Kaya de hatibû girtin û piştî ku 14 rojan di bin çavan de mabû li şûna wê qeyûm hatibû tayînkirin û hatibû girtin. Daneşîna doza Sarayê ya 12'emîn li Dadegeha Cezayê Giran a Mêrdînê hat dîtin. Sara ji Girtîgeha Tîpa E ya Wanê bi rêya SEGBÎS'ê tevli daneşînê bû.&nbsp;

	&nbsp;

	Daxwaza tahliyekirinê

	&nbsp;

	Di daneşîna ku bi tespîtkirina nasnameyê hat destpêkirin destpêkê parêzer Kamuran Tarhan mafê axaftinê girt û wiha got: "Di sûcdariyên ku li bersûc tên kirin nameya mijara gotinê ku wekî delîlê sûc tê dîtin delîlek ku hatiye çêkirine. Name çawa hatiye bidestxistin di dîmen de xuya dike. &nbsp;Di rapora mufetişande jî tê îdakirin ku kes bi awayê dijqanûnî hatin tayînkirin lê ev rapor jî şaş hatiye amade kirin. &nbsp;Em hemû parastinên xwe yên berê ku me radest kirine dubare dikin û dixwazin ku muwekîla me bê tehliyekirin."

	&nbsp;

	Parêzer Hakan Sadikoglu jî ev parastin kir: "Di dosyaya ku tê gotin muwekîla me piştgirî daye kolandina xendekan de tu delîlê ku vê îspat bike tune ye. Ji ber vê em dixwazin ku muwekîla me bê tehliyekirin."

	&nbsp;

	Wê delîl û meteryalên dijîtal careke din bên lêkolîkirin

	&nbsp;

	Di daneşînê de herî dawî sara mafê axaftinê girt û got ku ew parastina xwe ya berê dubare dike û tehliyeya xwe xwest.

	&nbsp;

	Piştî parastinan 5 deqe naber hat dayîn.&nbsp;

	&nbsp;

	Piştî navberê , dadgehê ji bo delîl û meteryalê dijîtaş careke din bên lêkolînkirin biryar da ku ku careke din ji Serdozgeriya Komarê re nivîsa muzakereyê bê şandin. &nbsp;Dadgehê biryar da ku sara careke din bi rêya SEGBÎSê ji dadgehê re bê amadekirin û daneşîn taloqî 11'ê Îlonê kir.&nbsp;

	&nbsp;