
Fîgen Yuksekdag: Baweriya min ji edaleta sîstema heyî tune ye 

2019-01-16 13:44:33


	&nbsp;

	ENQERE - Danişîna doza darizandin Hevseroka Giştî ya HDP’ê ya berê Fîgen Yuksekdag dest pê kir. Yuksekdag, di parastina kir de wiha got: “Ez çalakiyên greva birçîbûn û Leyla Guven silav dikim. Divê hemû dînamîkên têkoşîna civakî û welat parêz, hewl bidin ku em ji vê cehenemê derbikevin.”

	&nbsp;

	Danişîna doza darizandina Hevseroka Partiya Demokratîk a Gelan (HDP) ê ya berê Fîgen Yuksekdag &nbsp;li 16’emîn Dadgeha Cezayê Giran a Enqerê hat dest pê kirin. Di îdîanameya 92 du sayfe de Yuksekdag bi îdîaya “Rêveberiya rêxistinê” tê sûcdar kirin û 83 sal cezayê girtîgehê jê re tê xistin.&nbsp;

	&nbsp;&nbsp;

	Nûnerên gelek partiyan ên xwestin danişîna Fîgen bişopînin, &nbsp;di saetên serê sibê de hatin salona dadgehê ya Kampusa Girtîgeha Sîncanê. Dîsan Hevserokên HDP’ê Pervîn Bûldan û Sezaî Temellî, Alîkarê Hevserokên Giştî Mûrat Çepnî, Berdevka Meclîsa Jinan Dîlan Dîrayet Taşdemîr, Berdevkê Partiyê Sarûhan Olûç, Hevberdevkê Kongreya Demokratîk a Gelan (HDK) Sedat Şennoglu û Parlementerê Partiya Çep a Alman Hakan Taş jî beşdarî danişînê bûn.

	&nbsp;

	Şandeya dadgehê, ji bo şopandina danişînê kotaya 45 kesan diyar kir û nûnerên gelek partiyan negirt salona danişînê. Fîgen, ji Girtîgeha Kandira beşdarî danişînê bû û di parastina kir de, bal kişand ser çalakiya greva birçîbûnê ya Hevseroka KCD’ê Leyla Guven a li dijî tecrîda li ser Rêberêd PKK’ê Abdullah Ocalan daye dest pê kirin.&nbsp;

	&nbsp;

	Fîgen ev tişt gotin: “Di şert û mercên îro de, em siyasetmedar gihane asta pêvajoyek krîtîk û em di ferqa vê dene. Me bi dehan cara got ku divê pêvajo neyê vê astê. Bi taybetî me &nbsp;ji desthilatdariyê got, ‘hûn Tirkiyeyê ber bi krîzekê ve dibin.’ Dozên me jî parçeyekê vê operasyonê ne. Tu hêviya me ji edaletê nîne, lê divê hemû dînamîkên têkoşîna civakî û welat parêz, hewl bidin ku em ji vê cehenemê derbikevin. Îro siyasetmedar israra xwe ya di têkoşîna aştî û demokrasiyê de berdewam dikin. Leyla Guven 70’î rojin li dijî tecrîda li Îmraliyê di greva birçîbûnê deye. Ji ku dîsan pêşiya pêvajoya demokratîk ve benda xwe ji birçîbûnê re razandiye.&nbsp;

	&nbsp;&nbsp;

	Lê parazvanên siyaseta demokratîk dinava çar dîwaran dene. Leyla Guven parlementerê vî welatiye. Leyla ji aliyê desthilatdariya siyasî ve hatiye hepiskirin û bi destê saziya darazê ber bi mirinê ve tê birin. Ne tenê Leyla, gelek girtiyên siyasî, ji bo çareseriya demokratîk û aştiyê di greva birçîbûnê ya bêdem û bêdorveger dene. Di heman demê Sabahat Tuncel û Selma Irmak ên em gel hev jî dimînin dest bi greva birçîbûnê kirin. Ez vê têkoşîna hevalên xwe yên silav dikim.”

	&nbsp;

	Parastina Figen Yuksekdag berdewam dike.

	&nbsp;