
Denîz Poyraz li ser gora xwe hat bîranîn

2025-03-08 12:47:57


	&nbsp;

	ÎZMÎR - Denîz Poyraz a hatî qetilkirin li ser gora xwe hat bîranîn. Di bîranînê de Parlamentera DEM Partiyê ya Îzmîrê Burcu Gul Çubuk axivî û diyar kir ku dewleta mêr dê hesabê sûcên şer bike.

	&nbsp;

	Tevgera Jinên Azad (TJA), Partiya Wekhevî û Demokrasiyê ya Gelan (DEM), Înîsiyatîfa Dayikên Aştiyê ya Îzmîrê û Meclîsa Jinan a HDP'ê ya Îzmîrê çûn serdana gora Denîz Poyraz û çalakiya bîranînê li dar xistin.

	&nbsp;

	Di bîranînê de li ser navê Dayikên Aştiyê Behiye Yalçin gotina yekemîn girt. Behiye Yalçin qetilkirin şermezar kir û diyar kir ku divê jin hesap bidin.

	&nbsp;

	Piştre Parlamentera DEM Partiyê ya Îzmîrê Burcu Gul Çubuk mafê axaftinê girt û diyar kir ku ew ê hesab ji kujerên Denîz Poyraz bipirsin û destnîşan kir ku navê wê tu carî nayê jibîrkirin.

	&nbsp;

	Di bîranînê de ji bo Denîz Poyraz û kesên di têkoşîna jinan de jiyana xwe ji dest dane deqeyek rêz hat girtin. Li dû kêliya rêzgirtinê qurnefîl li ser gora Denîz Poyraz hatin hiştin.

	&nbsp;

	Bîranîn bi dirûşmeyên "Denîz Poyraz namir e", "Jin jiyan azadî" û "Şehîd namirin" bi dawî bû.

	&nbsp;

	&nbsp;

	

	&nbsp;