
Komeke din a gel berê xwe da Bendava Tişrînê

2025-01-10 14:37:26


	&nbsp;

	&nbsp;

	NAVENDA NÛÇEYAN - Komeke din a şêniyên kantona Cizîrê ji bo şermezarkirina êrişên dewleta Tirk û çeteyên wê û piştevaniya bi QSD û YPJ'ê re, berê xwe da Bendava Tişrînê.

	&nbsp;

	Zêdetirî mehekê ye êrişên dewleta Tirk û çeteyên wê yên li ser Bendava Tişrînê dewam dikin. Di encama êrişan de zirarên mezin li bendavê bûn. Şêniyên herêma Bakur û Rojhilatê Sûriyeyê bi armanca şermezarkirina êrişan û ji bo piştgiriya bi QSD'ê re, li bendavê di nobetê de ne.

	&nbsp;

	Îro jî komeke din ku ji sedan şêniyên li Hesekê, Til Temir, Zirgan, Dirbêsiyê, Amûdê û Şedadê pêk tê, bi heman armancê berê xwe da bendavê.

	&nbsp;

	Til Temir&nbsp;

	&nbsp;

	Li bajarê Til Temirê bi dehan kes li pêşiya navenda Meclisa Malbatên Şehîdan kom bûn û berê xwe da bajarê Hesekê.

	&nbsp;

	Dirbêsiye û Zirgan&nbsp;

	&nbsp;

	Bi dehan şêniyên bajarê Dirbêsiyê jî ji pêşiya Navenda Çand û Hunerê hatin gel hev, ber bi Hesekê ve bi rê ketin. Xelkê Zirganê jî tevî karwanê xelkê Dirbêsiyê berê xwe da Hesekê.

	&nbsp;

	Amûdê&nbsp;

	&nbsp;

	Karwanê şêniyên bajarê Amûdê jî yekser berê xwe da Çerxerêya Panorama ya li bajarê Hesekê.

	&nbsp;

	Şedadê&nbsp;

	&nbsp;

	Li bajarê Şedadê jî bi sedan kesî berê xwe da bajarê Erîşê û bi karwanê xelkê Erîşeyê re berê xwe da Hesekê.

	&nbsp;

	Hesekê&nbsp;

	&nbsp;

	Şêniyên bajarê Hesekê li Çerxerêya Panorama ya li başûrê bajar kom bûn û beşdarî karwanên xelkên ji bajarên din ên Cizîrê bûn.

	&nbsp;

	Karwanên gel ên ji wan bajaran ku li Hesekê gihaştin hev, ber bi Bendava Tişrînê ve bi rê ketin.