Li hember RJAK’ê serdegirtin: Biryarê betal bikin!

2024-12-31 20:24:24


	 

	 

	 

	NAVENDA NÛÇEYAN- Li Silêmaniyê bi ser navenda Tevgera Jinên Azad a Kurdistanê (RJAK) girtin û navend hat girtin. RJAK’ê di daxuyaniya ku da de banga betalkirina biryarê kir.

	 

	Vê sibehê bi ser Rêxistina Jinên Azad a Kurdistanê (RJAK) de hat girtin û hat girtin. RjAK’ê ragihand ku tîmeke asayîşê bêyî tu agahdarî û biryara dadgehê bi ser ofîsa rêxistina wan de girtine û navenda wan girtine. RJAK’ê der barê êrîşa li ser navenda wan daxuyaniyek nivîskî weşand.

	 

	Di daxuyaniyê de wiha hate gotin: “Di demekê de ku çareseriya pirsgirêka Kurd û pirsgirêkên gelê me di rojevê de ye û rewşa jinan di asteke xirab a civakî û perwerdehî de ye û metirsî li ser jiyana kesayetî ya jinê heye, îro di saet 10:30’an de tîmeke asayîşê bêyî tu agahdarî û biryara dadgehê êrîşî ofîsa me kir û ofîsa me girt.Rêxistina me di nav çendîn salên borî de bêrawestan xizmeta jin û pirsgirêkên jinan kiriye. Me gelek derfet ji bo pêşketina jinan bê cudahî pêşkêş kirine û çalakiyên jîngehê û çareserkirina bi sedan doz û dosyayên jinan pêk anîne.”

	 

	‘Em pêkanînê red dikin’

	 

	Di berdewamiya daxuyaniyê de wiha hat gotin: “Em vê pêkanînê ku bi hinceta biryara Dadgeha Federal ku dibêje divê her rêxistin û dezgehek ku têkiliya wê bi tevgera azadiyê re hebe bê girtin, hatiye kirin qebûl nakim. Em bi her awayî van tawanan red dikin. Tu têkiliya rêxistina me bi tu rêxistin û partiyên siyasî re tune ye û serbixwe ye.Em daxwaz ji aliyên berpirsiyar dikin ku bêyî bandora hêzeke derve li biryara xwe vegerin.”