
HRW: Li Îranê binçavkirin û girtin dewam dikin

2024-09-10 15:24:35


	&nbsp;

	&nbsp;

	NAVENDA NÛÇEYAN - Endamê Rêxistina Şopandina Mafê Mirovan a Navneteweyî (Human Rights Watch) bi raporekê behsa zextên rejîma Îran yên li ser xelkê Îran û Rojhilatê Kurdistanê kir û got; “Desthilatdarên Îranê bi dehan kes binçavkirine û gef li wan dixwin.

	&nbsp;

	Endamê Rêxistina Şopandina Mafê Mirovan a Navneteweyî (Human Rights Watch) Nahîd Neqşibendî derbarê zextên rejîma Îran yên li ser çalakvanên li Îran û Rojhilatê Kurdistanê de, raporek belav kir.

	&nbsp;

	Di raporê de hate gotin ku binçavkirina welatiyan dewam dike û bi dehan kes niha jî hatine binçavkirin. Her wiha kesên &nbsp;ku tên binçavkirin gefa darvekirin û girtinê li wan hatine xwarin û binpêkirinên mafê mirovan ya li Îranê û bêdengkirina çalakvanan dewam dike. Em bang li desthilata Dadwerî ya Îranê dikin ku kesên hatine binçavkirin berdin û bi edaletane werin dadgehkirin.”

	&nbsp;

	Hêjayî gotinê ye di rojên dawî de bi rasthatina salvegera şoreşa ‘Jin, Jiyan, Azadî’ rejîma Îranê dest bi qonaxek nû ya girtin û binçavkirinê kiriye. Bi taybet li Rojhilatê Kurdistanê rojane hêzên Îranê bi ser malan de digirin û welatiyan direvînin.

	&nbsp;