
Bîlançoya êrişa li ser Efrîn û Şehbayê hat eşkerakirin 

2024-06-01 13:43:36


	&nbsp;

	&nbsp;

	&nbsp;

	NAVENDA NÛÇEYAN - Artêşa Tirk di meha Gulanê de 124 caran êrişî 37 deverên Efrîn û Şehbayê kir. Di êrişan de zarokek jiyana xwe ji dest da, 3 zarok û welatiyekî 60 salî û leşkerî Hikûmeta Şamê jî birîndar bûn.

	&nbsp;

	Navenda Ragihandina Hêzên Rizgariya Efrînê (HRE) bîlançoya êrişên ku artêşa dewleta Tirk a meha Gulanê ya li dijî Kantona Efrîn û Şehbayê pêk anîne, eşkere kir.&nbsp;

	&nbsp;

	Li gorî bîlançoya hatiye parvekirin, di navbera 1 û 31’ê Gulanê de artêşa Tirk, 124 caran êrişî 37 gund, bajarokên Şehba-Efrînê û derdora wan kir. 3 cihên hêzên Hikûmeta Şamê jî bûn hedef.

	&nbsp;

	Di êrişên ku bi tang, topên obus û hawanan, balafirên bêmirov û bi çek, dronên xwekuj û bombeataran pêk hatin de, malên welatiyan, erdên çandiniyê, bax û baxçeyan zirar dît.

	&nbsp;

	Di topbarana 18’yê Gulanê ya li ser gundê Semoqa yê Şehbayê de zarokê bi navê Ferês Xelef Îbrahîm jiyana xwe ji dest da, 3 zarok jî birîndar bûn.

	&nbsp;

	Di topbarana 31’ê Gulanê ya li ser gundê Şêx Îsa yê Şehbayê de jî hemwelatiyekî 60 salî birîndar bû.

	&nbsp;

	Di êrişa 19’yê Gulanê ku dironeke xwekûj li ser gundê Seda Şehba pêk hat de, leşkerî Hikûmeta Şamê yê navê Beşar Cebora (36) birîndara bû.

	&nbsp;

	Di êrişa 24'ê Gulanê ku bi dironek xwekûj li ser noqteyek hêzên Hikûmeta Şamê ya li gundê Hirşa Sixunekê ya bajarê Şêrewa ya Efrînê pêk hat de, zirara madî çêbû.

	&nbsp;

	15'ê Gulanê bi dironek xwekûj noqteya hêzên Hikûmeta Şamê ya li gundê Kefer Anton ê bajarê Şera yê Efrînê hat hedefgirtin. Di êrişê de ziyana madî çêbû.

	&nbsp;