
Ji bo piştgiriya şoreşa 'Jin Jiyan Azadî' kampanyaya hashtagê

2023-09-16 11:18:07


	&nbsp;

	&nbsp;

	&nbsp;

	NAVENDA NÛÇEYAN - Ji bo piştgiriya serhildana jinan a li Rojhilatê Kurdistanê û Îranê kampanyaya hashtagê hat ragihandin.

	&nbsp;

	Bi munasebeta salvegera yekemîn a qetilkirina Jîna Emînî û ‘Serhildana Jin Jiyan Azadî’ ya Rojhilatê Kurdistanê û Îranê, kampanyaya hashtagê #JinJiyanAzadî dest pê kir.

	&nbsp;

	Çalakvana Tevgera Jinên Azad (TJA) û hevseroka komîteya têkiliyên derve ya Partiya Demokratîk a Gelan (HDP) Feleknas Uca li ser hesabê xwe yê X (Twitterê) li gel wêneyê Jîna Emînî, posta “Em ê têkoşîna azadiyê ya jinan xurt bikin” parve kir.

	&nbsp;

	Yekîneyên Parastina Jin (YPJ) jî li ser hesabê xwe yê X nivîsî “Ji bo parastina mafên jinan li her deverê û bilindkirina ala azadî û serkeftinê” û wêneyên şervanên jin û dirûşma ‘Jin Jiyan Azadî’ parve kirin.

	&nbsp;

	Parlamenterê Partiya Çep a Kesk Omer Ocalan jî wêneyê Jîna Emînî parve kir û “Ji bo civakeke azad û jineke azad” nivîsî.

	&nbsp;

	Rûpela bi navê Ronahî jî wêneyên jinan ên bi cil û bergên kurdî, dirûşmên ‘Jin Jiyan Azadî’ û “Jin zanista felsefeya jiyanê ye” parve kirin.

	&nbsp;

	Kampanyaya hashtagê duh saet di 20:00'an de li gorî dema Sûriyeyê dest pê kir û dê îro heta saet 20:00'an dewam bike.

	&nbsp;

	&nbsp;

	&nbsp;

	&nbsp;