
Ji bo azadiya Abdullah Ocalan li Rojava meş hat lidarxistin 

2023-09-14 15:32:32


	&nbsp;

	&nbsp;

	NAVENDA NÛÇEYAN - Tevgera Ciwanên Şoreşger a Sûriyeyê û Yekitiya Jinên Ciwan di meşê de soz da ku ew ê heta pêkanîna azadiya fîzîkî ya Rêberê PKK'ê Abdullah Ocalan berxwedan û têkoşîna xwe mezin bikin.

	&nbsp;

	Şêniyên Tirbespiyê ya kantona Qamişloyê bi pêşengtiya Tevgera Ciwanên Şoreşger a Sûriyeyê û Yekitiya Jinên Ciwan meşek ji bo şermezarkirina tecrîda li dijî Rêberê PKK'ê Abdullah Ocalan li dar xist.

	&nbsp;

	Meş ji pêş avahiya Kongra Star dest pê kir. Di meşê de şêniyên Tirbespiyê, bajarok, gundên wê, endamên ciwanên şoreşger û jinên ciwan, nûnerên partiyên siyasî, rêxistinên civaka sivîl, şêx û rûspiyên eşîran beşdar bûn. Welatiyan di meşê de pankartên 'Em ê bi rihê serketina Dêrazorê tecrîdê bişikînin' û 'Di cenga azadiyê de bi ser kevin' û wêneyên Rêber Abdullah Ocalan hildan.

	&nbsp;

	Meş li sûka navendî ya Tirbespiyê geriya û beşdaran diruşmên silavkirina berxwedana Abdullah Ocalan berz kirin.

	&nbsp;

	Piştî welatî gihaştin ber avahiya Tevgera Ciwanên Şoreşger a Sûriyeyê ya li rojavayê Tirbespiyê vegerî mîtîngê. Li wir endama rêveber a Yekitiya Jinên Ciwan a Tirbespiyê Kînda Kenan siyasetên tecrîdê û îşkenceyê ya li dijî &nbsp;Abdullah Ocalan şermezar kirin.

	&nbsp;

	Kînda diyar kir ku dewleta tirk bi rêya girankirina tecrîdê hewl dide fikrên Abdullah Ocalan ji gelên pê bawer qut û dûr bixe.

	&nbsp;

	Kînda di dawiyê de got: "Em ê bi rêxistinkirina civakê, ciwan û jinên ciwan li gorî rêgeza şerê gel ê şoreşgerî têbikoşin û fikrên Rêber Abdullah Ocalan ku rêya azadiya gelên bindest ronî bikin."

	&nbsp;