
Şîrketa madenê wê 5 gund û daran tune bike 

2018-05-27 09:58:11


	&nbsp;

	MÊRDÎN-Qadên gundê Karataş yê girêdayê Şemrexa Mêrdînê ji ber madenê tên tunekirin. Li gundiyan tê ferzkirin ku xaniyên xwe vala bikin.

	&nbsp;

	Ji ber madena fosfatê ya aydê Etî Bakir A.Ş ya li Şemrexa Mêrdînê, mêrg, dar û erdên gundê Karataşê tên tunekirin. &nbsp;Sala borî di meha Tîrmehê de piştî taybetkirina madenê ket destê Cengîz Holdîngê û piştre teblîgata ‘gund vala bikin’ şandin ji gundiyan re. Hat gotin ku bi teblîgat biryara îstîmlakê ya sala 1975’an &nbsp;hatiye şandin û gel jî li dijî biryarê li &nbsp;ber xwe dide.

	&nbsp;

	Ji erdên gundiyan dest pê kirin

	&nbsp;

	Piştî biryarê şûnde &nbsp;madenê mêrg û qadên din yên gel dagir kirin û gel li dijî vê serî li riyên hiqûqî dabû. Gundiyên li Dadgeha Îdarî ya Mêrdînê doz vekirin, ji bo biryar bê sekiandin daxwaz kirin.&nbsp;

	&nbsp;

	Ji bo madenê qad hat berfirehkirin û beyî ku biryara dadgehê ya ji bo erdên gundiyan, şîrketê erd dagir kirin. Di biryara tahliyeyê de ne tenê gundê Karataşê ya 400 malî, wê bandor li 5 gundên din jî bibe. welatiyan diyar kirin ku ew ji niha de zehmetiyan dikşînin û av kêm bûye.

	&nbsp;

	Her wiha gundiyan bi lêv kir ku wê qada daristanê jî tune bibe.

	&nbsp;