Danîmarka jî beşdarî kampanyayê bû 

2020-12-11 08:56:46


	 

	NAVENDA NÛÇEYAN - Sîyasetmedar, nivîskar û akademisyen, di çarçoveya Roja Mafê Mirovan de, piştgirî dan kampanyaya ku ji bo azadîya Rêberê PKK’ê Abdullah Ocalan hatibû destpêkirin.

	 

	Kampanyaya ku ji bo azadîya Rêberê PKK’ê Abdullah Ocalan hatibû destpêkirin  li Danîmarkayê berdewam dike. Hewildana ji bo Kampanyaya ji Abdulalh Ocalan re Azadî ya Navneteweyî ji gelek welatan û kesên navdar ve piştgirî dît. Kampanyaya ku bi dirûşma “Ji Abdullah Ocalan û girtîyên sîyasî yên Tirkiyeyê re azadî” hatibû destpêkirin di Roja Mafên Mirovan de bêtir deng da. Piştî Swêd, Îtalya û Fînlandîyayê, Danîmarkayê jî piştgirî da kampanyayê. Di nav van kesên ku piştgirî dan de du Wezîrên kevn ên Karê Derve, gelek Parlamenter, endamên meclîsa şarederîyê, akademisyen û nivîskar îmze dan û bal kişandin ser vî tiştî:" Ji bo çareserî û demokrasîyê Tirkîye neçar e Rêberê PKK’ê Abdullah Ocalan serbest berde."